Jul 30, 2012

JINGHPAW TINGSAN HTE BLOG

ningmu langai hte langai n bung ai majaw n dai post gaw tingsan langai hkrai a ningmu sha re.
tinang kaw blog langai madu da sai nga jang,  tinang kaw hkrat sum ai lam ni gaw grai nga wa ai hpe mu lu ai hku re..dai hta tianng kaw sumtsaw lu taw yang gaw shawng ning nan tinang a sumtsaw hte mang hkang
hpang ra na re..hpa majaw i nga yang tinang gaw a ten n kau mi hpe tinang a blog hpe jaw kau ra sai majaw le..
tinang kaw blog langai madu da sai nga jang Social lam kaw mung manang hkang byin wa ai lam hpe mu lu ai hku re..tinang gaw online kaw na manang ni hpe a ten na na jaw na n lu chat ai shaloi tinang hpe hku hkau ai
ni mung yawm mat wa ai hpe mu lu ai hku re..dai hta n ga online dung na ten nau n nga wa ai shaloi online manang mung mat mat wa ai hpe mu lu ai hku re..
tinang kaw blog langai madu da sai nga jang gaga tinang hte seng ang ai bungli ni hkan mung ningra ai lam pru wa ai hpe mu lu ai hku re.ga shadawn jawng laika ni n ngut wa ai lam..gaga tinang n galaw n mai re ni hta
lai na ngam ai a ten ni hpe blog kaw bang kau ra ai lam ni mung nga wa ai hku rai nga ai..
blog langai lu sai nga jang shawng ning nan yup rawt wa ai hte blog mail shawng jep ra ai ..blog kaw na hpyi shawn ai lam ni hpe mu jang dang di ai ram sawk tam ya let bungli kin hpang wa ra ai ten ni mung nga wa sai
..myit daw ai lam ni pru wa jang mung sa du n gun jaw ai manang ni a comment langai mi hpe mu na grai myit rawt let blog hpe grau na n gun bang mayu ai myit ni pru wa ai hpe mung mu lu ai hku re..
dai majaw blog langai madu da ai manang ni ngai hte ningmu yawng n bung hkat tim loi li gaw myit rum na re ngu shadu ai hku re..laika n chye ka ai majaw baili bai la let ka da ai hpe chye na ya rit yaw..laika mung grai
galu mat sai..
n dai jinghpaw tingsan blog mung galoi mi htum mat na kun ngu ..
majaw a majaw ngai n dai mungkan ga kaw na pru wa mat tim jinghpaw tingsan ngu ai mying gaw ngam taw na re ngu myit mada let..
n dai ram mi hte naw hkring na sai..

4 comments:

Brang San Awng said...

hkau tingsan e... moi nang hte chat ai shaloi nang ngai hpe san ai ga san i naw dum matsing ai rai kun? nang san ai ngai hpe blog n ka ai i da??? hahahhah nang hpe ngai bai tsun ai myit n kam ru ai law ngu le.......... ya gaw nang ma grai myit ru na sai i??? hpa mi raitim le.... nang shakut ai gaw n chye shi ai marai langai ngai hpe nsin chyip re kaw na n htoi htawng madun ai hte bung ai ngu ngai gaw mu mada ai hku re..... nang hpe hkung ga ai yaw.... matut shakut u.... n gun jaw nga ga ai

Anonymous said...

Hkau Tingsan e,
Nang na Blog a majaw IT prat hta Internet ngu ai hpe grai a kyu chye sha shawn chye wa ai hte maren., Na jaw ai software ga jam chyai ai a marang e myi ni mung hpaw ai ngu hpe hkam sha lu ai..Rai langai mi gaw Yu ngwi mahkawn (old/New) yawng hte myu baw sang law law a mahkawn ni lu madat ai majaw tinang myu hte mungdan hpe grau n na tsaw ra jat wa nngai.Dai hte maren gaga(laga) site hkan n mu lu ai Jinghpaw Sumla Hkrung ni hpe mung yu hkam sha myit dik ai re.Grau a hkyak ai lam hta Karai sha kawn mahkawn ,P & W mahkawn hta n ga Mahkawn laika buk ni du hkra mung Jinghpaw tingsan a blog kaw lu la ai majaw grai myit dik chyeju dum n ngai. Jinghpaw Tingsan a Blog Kaw du shang wa yang buga de na tinang shang lawm ai Nawku Jawng kata kaw du taw ai zawn hkam sha n ngai.. :) La hta wa a ning mu n dai hpe "nang shakut ai gaw n chye shi ai marai langai ngai hpe nsin chyip re kaw na n htoi htawng madun ai hte bung ai ngu ngai gaw mu mada ai hku re.." n dai hpe ngai na ning mu hku rai yang grai n manu n htuk ai ngu mu ma da ai law..Hkau Tingsan wa Matut na Karai kaw na n gun a tsam lu la ai hte tinang man ang ai bungli hpe ma ngang nga hkra lu galaw u ga loll

Anonymous said...

lahta na tsun ai hte maren rae. grau na karai kasang shaman ra u ga!!!

Anonymous said...

ya na zawn du sa manang ni a ningmu hpe chyelu ai majaw grai chyeju dum sai hku re..
dang di ai ten du hkra matut shakut mat wa na re.

TINGSAN HPE HKU HKAU AI NI

jinghpawtingsan. Powered by Blogger.

LAMA MI TSUN DA RIT YAW...